[center]--------------------------------------------------------------------------------
السلام عليكم
شلووووووونكم شلع منو بيكم واحد موغف عندة شخص خل يجي هنا يتعلم طربقة مجربة مية مية كيفية التخلص منة
مفهوم الوغف :
الوغف :- مخلوق بلا احساس يضل مجلب بي**** وميعوفك لو تطلع نخلة براسك ويسوي شغلات تخليك تكمز وتشلع بشعر راسك ( اذا جان باقي شعر ) ويريد يدخل بالكروب والجماعة ميطيقون جهرتة
اماكن تواجد الوغف
1- المدارس
2- الكليات
3- شارع بيتكم
4-بسرة البانزين
كيفية التخلص منه :
1- اذا كان الوغف بالمدرسة وشغلتة كل 5 ثواني يكوم ويطلب من المدرس يعيد المادة لان مفتهم وفوك القهر يروح للمدرس ويكولة
( اخذنا بالفرصة استاذ حتة نسبق الشعب الباقية )
مثل هيج وغف اله حلين
أ- تجبرو ان ينقل لغير شعبة . مثلا تنصبون عليه نصبة جماعية او تطلعون لقب محترم كلش
ب- تختارون كم طالب يعرف يحجي وتروحون وفد( بعثة خباثية) للمدرس وتكلولة ( استاذ فلان( الوغف) يكول عليك انتة كلشي متفتهم ومتعرف تفهم المادة للطلاب وهوة ميفتهم عليك ولح يروح للمدير يشتكي ) هذا كلش كافي حتة الاستاذ ينطي رزالة معتبرة( زمال انتة حمار كاعد كدامي مطي كرم السامع شنو اني احجي هندي انتة صدك تحفة خلي نوديك للمتحف) اول ميفتح حلكة ويكول استاذ عيد بلا زحمة
2- اذا كان الوغف بالكلية ويوغف عليك ومطير عقلك وكلما يشوفك وية الحب ييجي ويوكف يمك
هم ماكو اي مشكلة الحل بسيط
اذا جنت انتة طالب اريحي اكيد لازم عندك شلة جبيرة وحلوة شباب وبنات وتعرف منو منهم يكره هذا الوغف وتسوون عليه شدة يا ورد ( شدة ) يعني تجتمعون ولمن ييجي يوكف وياكم ويوغف تكومون تنصبون عليه واهم شي لازم وياكم بنات واذا صاحبتة وياكم( زايد خير ومستاهلهه) وطلعون كل خياساتة كدام الكل ...
*النتيجة تجنن ( اذا عند ذرة احساس) راح يكعد بالبيت اسبوع او اكثر واذا داوم وبعد متشوفون خيالة طول عمركم
3-شارع بيتكم ( الفرع المقدس ) اكيد عدكم واحد وغف او اثنين ( اذا ثنين الله يرحمكم)
بس اذا كان عدكم واحد وموغف ويريد يلعب طوبة او سلة وهوة ميفرق كولنة من كولهم ويخرب اللعبة وبس يهبش ويعيط ويلم عليكم العالم
هم شفنالة حل وحل بسيط وسهل بس تحتاج كم شغلة مثل
1- طلقة ( اذا مال احادية خير وبركة ) 2- ورقة 3- طابعة 4- ولد من غير فرع
5- كارت ابو 10$ ( للولد حتة يخابر الحب )
- شتسوي - اكتب بالورقة الشغلات الي تنكتب بورقة التهجير ( اعذروني ما اعرفها والله يبعدنا عنها ) واجعصها بالطلقة وشدها بخيط ( لازم الخيط يكون لونة وردي او برتقالي ) وبعدها تنطي للولد الكارت ولازم يتلثم وتكلة روححححح اشمر الورقة بالباب
*النتيجة هية - ثاني يوم الصبح بيتهم فارغ وراح ترتاح لفترة طويلة كلش كلش
بس اذا كان اكو وغفين نفس الشي بس ضدك ( يعني انتة تهجر اطلع من الفرع ) لان مستحيل تعيش هناك
4- سرة البانزين - اكيد انتة واكف لو الشمس ذابحتك لو البرد شانقك ومليون سيارة كد*** وانتة واثق انو انتة لح يوصلك السرة ويخلص البانزين ويكلولك الله ينطيك تعال باجر وفوك القهر ييجيك واحد يوغف يمك ويسولف بالسياسة ( عبالك انتة رئيس الوزراء ) ويلومك على كل شي ( حتة الحرب بالشيشان)
عادي دوس بانزين وادعم سيارته وعليهم!
السبت يونيو 28, 2008 4:54 pm
